Во наредниот период Младински Центар Охрид на својата веб страна ќе спроведува онлајн кампања преку која ќе споделува корисни информации и интересни факти за културните споменици во Охрид, локалитети, музеи итн. наречена: „Истражете го Охрид: дигитална одисеја низ културните знаменитости и музеи“.
Сите информации се преземени од архивата и веб страната на НУ Завод за заштита на спомениците на културата и Музеј – Охрид.
Кампањата ја започнуваме на 22.01.2024 со информации за Куќата на Робевци.
Во периодот од 15 до 17 декември 2023 година, во Младински Центар Охрид, се одржа Семинар за вмрежување и унапредување на МЛАДИНСКАТА РАБОТА на кој учествуваа претставници на младинските центри од: Младински Центар Битола,Младински Центар Кавадарци, Младински Центар Пробиштип, Младински Центар Мултукулти Куманово, Youth Resource Center – ICan, Youth and Community Center – Gostivar, ЛМС Струмица, ЛМС Гостивар, како и службениците за млади од Општина Карпош и Општина Охрид.
Целта на овој семинар беше да се придонесе кон унапредување на младинската работа во центрите и подобрување на можностите за младите на локално ниво.
Со овој семинар се обезбеди можност за врежување и дијалог помеѓу младинските работници од младинските центри и службениците за млади преку взаемна размена на искуства, практики и можности за унапредување на младинската работа преку работата на центрите.
За време на сесиите беа споделени добри практики од спроведување на програми со млади, но исто така се разговараше за предизвиците со кои се соочуваат младинските центри и службениците за млади.
На 03 октомври во посета на Младински Центар Охрид беа младински работници од Србија, Бугарија, Италија и Македонија. Претставници на НВО, претставници на младински центри како и млади кои работат во полето на младинското учество.
Посетата беше дел од обуката „Youth Workers Mobility“ кој ја спроведува Urban Stream во соработка со АСК-Асоцијација на советници за развој на кариера.
Целта на оваа посета беше споделување на добри практики, начинот на функционирање на Центарот и размена на ставови на повеќе теми: млади, младински форуми, институционална поддршка, инклузија на младите и можност за соработка.
Првиот дел од посетата се состоеше од опсежна дискусија на повеќе теми, младинската работа во Македонија, Законот за младинско учество и младински политики и евентуални предизвици.
Во вториот дел искуствено беа пренесени начините и методите за работа со група.
Денес во просториите на МЦО се одржа вториот Младински Круг на тема „Климатски промени и одржливост на животната средина“.
Целта на овој Младински круг беше подигање на свеста за климатските промени, дискусија за одржливи практики и истражување на иницијативите предводени од младите за зачувување на животната средина.
На Младинскиот Круг учествуваа ученици од ОЕМУЦ ,,Св. Наум Охридски” и СОСУ “Св.Кирил и Методиј”-Охрид , како и членовите од Локалниот совет на млади при Општина Охрид.
Учесниците дадоа свој осврт и свои видувања на темата, предизвиците како и можните решенија, при што се разви плодна дискусија.
Остануваат уште три Младински Кругови до крајот на годината на различни теми.
На 22 август 2023, во рамки на четвртиот ден од Ohrid Water Festival, се одржаа СУП трките за деца, млади и возрасни организирани од SUP Club Ohrid.
На истата учествуваа нашите волонтери Марија Жилеска и Стефан Бушиноски. Стефан се натпреваруваше во кетегоријата млади од 16-21 година и освои 1 место. Марија беше дел од првата група каде го освои 4 место.
Трките се реализираа во 3 категории и тоа – спринт трки на 500 метри:
Првата трка за деца од 10 – 15 години (Палас – хотел SU)
Втората трка за млади од 16 – 21 година (Палас – хотел SU)
Рекреативно веслање предвиденo за сите учесници над 21 година (Палас – Канео – Палас)
Одлично поминат ден исполнет со забава и авантура на вода ! Овој настан беше совршена прилика младите да ги покажат своите вештини и да се дружат и уживаат на вода.
На 14 август во посета на Младински Центар Охрид беа млади од Турција, Романија и Црна Гора. Претставници на НВО, претставници на младински центри како и млади вработени во јавните институции кои работат во секторите за млади и спорт.
Посетата беше дел од обуката „Youth participation in democratic life“ кој ја спроведува Младински Совет Прилеп.
Целта на оваа посета беше споделување на добри практики, начинот на функционирање на Центарот и размена на ставови на повеќе теми: млади, младински форуми, институционална поддршка, инклузија на младите и можност за соработка.
Првиот дел од посетата се состоеше од опсежна дискусија на повеќе теми, а во вториот дел се реализираше кратка работилница на тема „Климтаски промени“ бидејќи годинешната тема повод Меѓународниот ден на младите беше токму поврзана со зелени вештини за млади и заеднички до одржлив развој и позелен свет.
На покана на МЦО на дискусијата присуствуваа и новите претставници на Локалниот совет на млади при Општина Охрид со цел вмрежување со младите.
Исто така на дискусијата присуствуваше и претставник од Одделението за Млади и невладини од Општина Охрид.
На 23 јуни во посета на Младински Центар Охрид беа млади од Косово, претставници на НВО, претставници на политички подмладоци како и млади вработени во јавните институции кои работат во секторите за млади и спорт.
Целта на оваа посета беше споделување на добри практики, начинот на функционирање на Центарот и размена на ставови на повеќе теми: млади, младински форуми, институционална поддршка, инклузија на младите и можност за соработка.
На покана на МЦО на дискусијата присуствуваа и новите претставници на Локалниот совет на млади при Општина Охрид со цел вмрежување со младите од Косово.
Исто така на дискусијата присуствуваше и претставник од Одделението за Млади и невладини од Општина Охрид
Прекрасна вечер, одличен настан, позитивна енергија. Најдобри ученици, среќни наставници, радосни родители. По повод успешно завршување на учебната година, учениците од ООУ „Кочо Рацин“ – Охрид синоќа со завршен концерт се претставија пред публиката во Младински Центар Охрид.
Младите вљубеници во музиката под менторство на наставникот по музичко образование Игор Стефановски изведоа преработки на повеќе нумери од познати домашни и светски поединци и бендови. Публиката уживаше во богатиот двочасовен репертоар.
На настанот директорката на училиштето Г-ѓа Славица Котеска доделени и благодарници за успешна соработка и афирмација на училиштето.
Со овој настан исто така официјално заврши и циклусот на неделните мотивирачки трибини „И јас сум од Кочо Рацин“ каде целта беше да се мотивираат учениците во изборот на својата идна кариера.
Ве покануваме на новата театарска претстава во продукција на Независна Аматерска Театарска Група „Аматер“:
„ЧЕРНОДРИНСКИ СЕ ВРАЌА ДОМА“ по текст на Горан Стефановски, повод 10 години од постоењето на нашата театарска група.
Премиерата ќе биде на 26.04.2023 (среда), од 20:00ч, на малата сцена при НУЦК „Григор Прличев“ – Охрид.
Цена на билет: 200 денари.
Билетите се ограничени и можете да ги резервирате на тел.
број: 078/413-946, или на билетарата на НУЦК Григор Прличев пред почетокот на преставата доколку не се продадени.
РЕЖИЈА:
Јован Цветкоски
ИГРААТ:
Томе Укоски
Леа Новеска-Цекиќ
Димитар Назифоски
Јован Цветкоски
Илија Трале Левески
Глигор Велјаноски
Ема Алекс
СВЕТЛО МАЈСТОР:
Борис Велјаноски
МУЗИКА:
Јане Тодороски
Христијан Томевски
Никола Јосифоски
Арбен Бајрам
СЦЕНОГРАФИЈА: НАТГ „Аматер“
КОСТИМОГРАФИЈА: НАТГ „Аматер“
Претстава на НАТГ „Аматер“ – повод 10 години од нивното постоење, односно 10 години од нивната прва претстава „Сите мои синови“ од Артур Милер, на 26.04.2013.
НАТГ „Аматер“ зад себе има неколку претстави: „Сите мои синови“ од Артур Милер, „Генетика на кучињата“ од Венко Андоновски, „Охридската робинка Ташула“ по текст на Миле Волканоски, „Буре Барут“ од Дејан Дуковски, „Ти во седум бои“ – мултимедијален проект по адаптирано сценарио на Јован Цветкоски, адаптација на „Белградска Трилогија“ од Билјана Србљановиќ – „Се’ до полноќ“.
Исто така, ги покануваме сите медиуми во 11:00ч., нареден понеделник на 24.04.2023 во Младински Центар Охрид дел од екипата на НАТГ „Аматер“ ќе одржат прес за претставата и јубилејот на Независната аматерска театарска група „Аматер“.
