Младински круг тема 3: Образование и развој на вештини: Истражување начини за подобрување на образовните системи, промовирање на доживотното учење и решавање на јазот во вештините кај младите во светот кој брзо се менува.
Младинскиот круг ќе се одржи во Младински Центар Охрид (Conference Room) во петок, 10 ноември 2023 година, од 12:00 до 14:00 часот.
Минатата недела официјално започнавме со младинските клубови на МОФ за ДЕБАТА и АРТИВИЗАМ.
Им посакуваме топло добредојде на сите нови членови.
Погледнете како си поминавме на првите предавања ТУКА.
Доколку си средношколец и сакаш слободното време да го поминеш квалитетно и исполнето тогаш пријави се во младинските клубови на следниот ЛИНК.
Клубовите им овозможуваат на младите неформално образование за дебата, медиумска писменост, поддршка за активизам, самоорганизирање и учество во процесите на одлучување. Дополнително, им обезбедуваат развој на лични и професионални вештини кои ќе им помогнат во секоја сфера во животот.
Денес во просториите на МЦО се одржа вториот Младински Круг на тема „Климатски промени и одржливост на животната средина“.
Целта на овој Младински круг беше подигање на свеста за климатските промени, дискусија за одржливи практики и истражување на иницијативите предводени од младите за зачувување на животната средина.
На Младинскиот Круг учествуваа ученици од ОЕМУЦ ,,Св. Наум Охридски” и СОСУ “Св.Кирил и Методиј”-Охрид , како и членовите од Локалниот совет на млади при Општина Охрид.
Учесниците дадоа свој осврт и свои видувања на темата, предизвиците како и можните решенија, при што се разви плодна дискусија.
Остануваат уште три Младински Кругови до крајот на годината на различни теми.
Младински Центар Охрид објавува повик за млади за учество во театарски работилници на возраст од 15 до 19 години.
Работилниците започнуваат од 02 октомври со времетраење од 2 месеци.
Театарските работилници ќе ги води Јован Цветкоски основач на Независната Аматерска Театарска Група (НАТГ) „Аматер“ од Охрид.
Доколку сте заинтересирани да ги научите основите на театарските вештини, да се надоградите и да учествувате во креирање и реализација на театарски производ пополнете ја пријавата и бидете дел од театарското патување !
На 22 август 2023, во рамки на четвртиот ден од Ohrid Water Festival, се одржаа СУП трките за деца, млади и возрасни организирани од SUP Club Ohrid.
На истата учествуваа нашите волонтери Марија Жилеска и Стефан Бушиноски. Стефан се натпреваруваше во кетегоријата млади од 16-21 година и освои 1 место. Марија беше дел од првата група каде го освои 4 место.
Трките се реализираа во 3 категории и тоа – спринт трки на 500 метри:
Првата трка за деца од 10 – 15 години (Палас – хотел SU)
Втората трка за млади од 16 – 21 година (Палас – хотел SU)
Рекреативно веслање предвиденo за сите учесници над 21 година (Палас – Канео – Палас)
Одлично поминат ден исполнет со забава и авантура на вода ! Овој настан беше совршена прилика младите да ги покажат своите вештини и да се дружат и уживаат на вода.
[vc_row columns=”1″][vc_column][vc_column_text]Младински Центар Охрид во чест на “Меѓународниот Ден на Млади” – 12 август организираше Недела на Млади со низа активности од различен карактер во просториите и дворот на МЦО.
Истата беше во период од 7 – 11 август, каде имаше различни видови креативни работилници, практични и едукативни, дискусија на тема Ментално Здравје, Летна Школа за Гитара и многу други каде беа вклучени различни категории млади лица.
На 11.08.2023 година се организираше голем настан, кој имаше повеќе точки од кои:
Првата активност која се реализираше на 11.08.2023 година и за прв пат во МЦО, беше Детска Атлетика во соработка со Атлетичарски Клуб – Охрид ТрчаТ.
Втора активност беше Работилница за Цртање на Канвас со Проф. Жанета Стаиќ.
Наредно беше поставена изложба во Дворот на МЦО на млад фотограф – Нина Ангелоска.
Прикажани беа 3 краткометражни филмови од млади охридски артисти
1. RED – Дамјана Видическа
2. 4891 – Ивана Мирчевска
3. Црногорци во Охрид – Ристе Спироски и Валентин Цветаноски
Програмата во склоп на Кампањата Недела на Млади во организација на МЦО, се финализираше со Официјално Обраќања на Раководителот на МЦО – Јован Цветкоски, Заменик Градоначалникот на Општина Охрид – Перчо Божиновски, и Извршниот Директор на Невладината Чадор Организација – Коалиција на Младински Организации СЕГА, која го води МЦО -Зоран Илиевски.
Следеше музичка точка, каде имавме можност да уживаме во друштво на Два2 Бенд и DJ сет њ/ Rile Relax.
Денес, со почеток во 18ч во просториите на МЦО – Conference Room, имаме Младински Кругови на тема Ментално Здравје, каде ќе дискутираме што се е ментално здравје, предизвици, и сето тоа од перспектива на различни категории млади лица, од кои и млади психолози.
Ве очекуваме да поразговараме што се, е Ментално Здравје и како до негова добросостојба!
Денес, Младински Центар Охрид заедно со ВОПС спроведе инклузивна креативна работилница.
Вмрежување, делување и прифаќање на различностите е она што беше во фокусот на денешната работилница.
Заедно, секој по малку, можеме да направиме многу.
Чекор по чекор, го уредуваме надворешниот простор на Касарна, каде во периодот што следи ќе се случуваат активности од различен карактер, како работилници, разни игри и натпревари, неформални дружби и седенки, проекции на отворено и уште многу други културни, забавни и едукативни настани со единствен акцент на МЛАДИ.
На 30 јуни, во организација на Младински Центар Охрид се одржа рекреативен пинг-понг турнир. Се играше до 3 добиени сета и освоени 21 поен.
Турнирот се играше во 2 категории: индивидуалец и парови. Во категорија индивидуалец I место освои Андреј Маркоски додека пак, во категорија парови I место освоија Петар Стефаноски и Андреј Маркоски.
Учеството на турнирот беше БЕСПЛАТНО, а победниците освоија пинг-понг палка.
Почитувани, Младински Центар Охрид, на ден 24.05.2023 (среда) ќе организира настан, односно Саем на невладини организации од граѓански сектор кои ќе ги промовираат своите програми пред младите и граѓаните со цел промовирање волонтерски можности за летниот период.
Ги повикуваме сите млади кои имаат желба да бидат активни на одредени настани кои самите ќе си ги одберат, да бидат активни на подолг период или пократок самите одлучуваат, да дојдат на саемот и да си одберат како ќе го поминат своето слободно време и ќе се надоградуваат како личности.Настанот ќе се одржи на плоштадот Христо Узунов (кај Александрија), од 12ч до 14ч.
На саемот ќе учествуваат: Младински Центар Охрид, Културолошка Иницијатива 5 до 12, Архрид, Енхелеус Лихнид, Охрид трчаТ, Охрид Ултра Треил, СупКлуб, Касарна Хаб, Црвен Крст Охрид.Ги повикуваме сите заинтересирани организации кои се од невладин сектор, а сакаат да учествуваат со свој штанд на саемот, да се пријават на тел.бр.: 078/413-946.
