На 19 јули официјално започна шестото издание на Beach Film Festival.
Фестивалот се отвори со краткометражниот филм „Сценарио“ на Александра Кардалевска и долгометражниот филм „Преекспонирано“ на Елеонора Венинова.
Дел од членовите на Волонтерскиот Клуб од МЦО ја искористија оваа можност и во склоп на самиот настан се организираше инфо ден каде повторно младите охриѓани имаа можност да се запознаат со центарот, неговата улога. отворените повици за летната школа за гитара и повикот за учество во младинско летно електронско списание.
Исто така младите имаа можност да одговорат на 2 прашања „Што им треба на младите од Охрид ?“ и „Младински Центар Охрид треба да….“ каде целта беше да се соберат ставовите на младите и преку МЦО да се истакне важноста за позицијата на младите во средината каде што живеат.
Инаку Beach Film Festival трае од 19-ти до 23-ти јули 2023 година. Овогодинешното издание нуди богата програма со филмски проекции, мастер класови и музички перформанси на четири локации во Охрид, и тоа: Младински Центар Охрид, плажа Славија, плажа Сараиште и брод Армада.
Публиката ќе има можност да погледне 8 долгометражни играни филмови, 16 краткометражни, 9 студентски, 5 француски и 4 специјални проекции.
Младински Центар Охрид е место од нас, за нас и со искористување на неговиот потенцијал влијаеме директно врз личниот раст и развој, како и врз средината каде делуваме.
