Во рамки на програмата на Кино „Четврток“, во Охрид ќе биде прикажан документарниот филм „Третиот свет“ – возбудлива приказна за легендарниот бенд Haustor и креативниот судир меѓу две силни авторски личности: Дарко Рундек и Срѓан Сахер.
Филмот го истражува создавањето на култниот албум Treći svijet (1984) – издание што остави траен белег врз југословенската музичка сцена. „Третиот свет“ зборува за магијата што настанува кога две различни уметнички визии ќе се судрат, ќе се спротивстават и конечно ќе се спојат во нешто трето – нешто што ја надминува индивидуалноста.
Преку ретки архивски материјали, повторно студиско обединување по 40 години и носталгичен, но и критички поглед кон културна сцена што повеќе не постои, филмот претставува патување низ музиката, времето и креативноста.
Режија: Арсен Оремовиќ
Датум: 05.03.2026
Влез отворен од 19:30 ч.
Почеток на проекцијата: 20:00 ч. (по почетокот, вратите се затвораат)
Филмски институт ФИОФА – Охрид
(Универзитет „Св. Апостол Павле“)
Влез: 200 мкд
Местата се ограничени
Картите може да се набават во Shilla – coffee & bar.
Проекцијата е во организација на Културолошка иницијатива 5 до 12.
Очекувајте вечер исполнета со музика, сеќавања и разговор за едно време кога звукот значеше став, а албумите беа манифести.
