На 01.07.2024 и 02.07.2024 во Младински Центар Охрид се реализираа работилници за креации од ткаенина кои го бележеа и почетокот на Креативната Летна Школа како и низата работилници на Ре Кре Арт во соработка со Beach Film Festival.
Учесниците имаа можност од стара облека да изработат торби за пазарење со што се стави акцент на рециклирање и реупотреба на старите и искористени ресурси и им се даде нова намена на еден креативен и забавен начин.
На истата беа присутни учесници од охридските и скопските основни училишта во соработка со Helen Doron English Ohrid.
Креативната Летна Школа продолжува со најразлични креативни работилници за најмладите!
[vc_row][vc_column][vc_column_text]На 26.06.2024 и 27.06.2024 во просториите на Младински Центар Охрид со најмладите изработуваме накит од монисти и реупотребливи материјали во соработка со Beach Film Festival.
Преку реупотреба на материјали се стави акцент и на круцијалноста од рециклирање и одржлив раст и развој.[/vc_column_text][us_image_slider ids=”14227,14228,14229,14230,14231,14232,14233,14234,14235,14236″][/vc_column][/vc_row]
1ви јули е датумот на кој започнува Креативната Летна Школа.
Првата Работилница ќе биде на тема ,,Рециклирање – преработување на стара облека во креативни торби за пазарење” – со што ќе ги реупотребиме старите парчиња облека и ќе влијаеме врз подигање на свеста од заштита на животната средина и ретките и ограничени ресурси.
7 интересни факти за рециклирањето:
1. Рециклирањето на една конзерва штеди доволно енергија за три часовна работа на еден телевизор или да заштеди два литри бензин.
2. Рециклирањето на еден тон хартија заштедува околу два ипол тони масло, 26 тони вода и околу 3 кубни метри депонија.
3. Енергијата заштедена од рециклирањето на едно стаклено шише може да држи активна една сијалица од 100 вати за околу 4 часа. Исто така предизвикува 20% помало загадување на воздухот и 50% помало загадување на водата, отколку кога се прави нова боца од сирови материјали.
4. За производство на тоалетна хартија дневно се сечат 27 000 стебла.
5. Рециклирањето на едно пластично шише може да сочува доволно енергија да осветли сијалица од 60 вати за 6 часа.
6. На едно стаклено шише му се потребни околу 4000 години за да се распадне, па дури и повеќе доколку се наоѓа на депонија.
7. Дневно умираат илјадници морски животни голтајќи пластични кеси кои им личат на медузи.
Па ајде да бидеме еко – одговорни, бидејки и го должиме тоа на природата!
Ве покануваме на нашата голема забава на 25ти јуни (вторник) во просториите на Младински Центар Охрид со почеток во 19:00ч.
Учениците од ООУ „Кочо Рацин“ и бендот на Младински Центар Охрид под менторство на професорот Игор Стефановски спремија богат репертоар со добро познати песни од големи домашни и странски артисти.
Да ги поддржиме младите музички надежи од Охрид и да се забавуваме!
Настан кој не се пропушта, не дозволувајте да ви раскажуваат!
5 Јуни – Светски ден за Заштита на Животната Средина.
Денес, во Младински Центар Охрид, се реализираше Креативна Работилница за рециклирање/преработување на стара облека во торби за пазарење.
Ресурсите на земјата се ретки и ограничени и оттука се тежнее кон одржливост, односно одржлив раст и развој, каде економскиот напредок, социјалната вклученост и заштитата на животната средина се избалансирани за да се обезбеди одржлива иднина.
На работилницата активен придонес дадоја учениците на три основни училишта: ООУ. ,,Кочо Рацин”, ООУ. ,,Григор Прличев” и ОУ. ,,Живко Чинго”.
На креативен начин се изработија торби за пазарење, со што се стави акцент на нужноста од колективна свест во насока на Заштита на Животната Средина.
Од 17 до 19 мај, во Скопје, Иво Ристески (тренер во Дебатниот Клуб), Сара Петкоска (дебатер), Борче Исакоски (дебатер), Марио Ѓорески (дебатер), Лина Јоноска (дебатер), Георги Меркоски (дебатер), Анастасија Атесленко (дебатер) и Калина Стојаноска (судија) со аргументи и ставови ја бранеа главната теза:
„Овој Дом претпочита целосно генеративен модел на вештачка интелигенција како главен извор на вести наместо новинари.“
Дебатерите, подготвени со знаењa и аргументи за новинарство, вешташка интелигенција и медиумска писменост, во улога на афирмациски или негациски говорници, неуморно и храбро дебатираа на оваа теза.
На националното дебатно првенство учествуваа над 50 тимови и над 150 дебатери. Нашиот дебатен клуб постигна одлични резултати. Во категорија најдобар „replay speech“ 3то место освои Сара Петкоска. Во категорија најдобар говорник, дебатерите се пласираа во топ 30.
Инаку, во последните 8 месеци со членовите на Дебатниот Клуб активно работевме на повеќе теми како: борба против лажни вести и препознавање на истите, структуирано пишување и изнесување на аргументи како и правилно побивање на туѓи аргументи, истражување, различни техники за јавно говорење и надминување на трема од јавен настап. Тренери: Александар Бојчовски и Иво Ристески.
Ова беше 154 дебатен турнир, а организатор на истиот е Младински образовен форум – МОФ / Youth Educational Forum -YEF, а поддржани од Проектот на УСАИД за медиумска писменост „Младите размислуваат“.
Со гордост објавуваме дека нашиот саем успешно привлече внимание од 5 средни училишта и 11 високообразовни институции. Втора година по ред се одржува Саемот за образование и кариера. Саемот беше одличната можност за интегрирано и напредно учење за идните средношколци и студенти.
Целта е како и претходната година на едно место да успееме да собереме што повеќе ученици од средните училишта. Сите средни училишта моментално се тука плус ПСУ „Јахја Кемал“, но и што повеќе факултети, значи и од високо образование не само од нашиот град. За жал, немаме ни многу избор, но доаѓаат и од повеќе градови, од УКИМ, УКЛО, Европски Универзитет, Интернационален Балкански Универзитет… За разлика од претходната година оваа година одзивот е поголем и се надеваме дека секоја година ќе си расте, ќе продолжи, ќе стане традиција, па зошти не и в година на полигонот да направиме уште поголем саем па да дојдат сите.
Јован Цветкоски – Раководител на МЦО
Саемот го отвори заменик градоначалникот на Охрид, Перчо Божиновски кој во своето обраќање истакна дека настанот е од големо значење за младите кои стојат пред предизвикот за избор на соодветна кариера. Правилниот избор на образование ги одредува индивидуалните патишта, но има и големо влијание на општествениот развој.
Благодарност и до АСК-Асоцијација на советници за развој на кариера за промоциите на кариерни можности и инспирацијата која ја дадоа на посетителите на саемот.
Благодариме на сите учесници и посетители за поддршката на саемот и нивното активното учество !
Мастер Клас за Млади со Комуниколог Бојан Кордалов во соработка со Младински Центар Охрид.
Учесниците имаа можност преку интеракција да научат за значењето на инфлуенсерството во денешно време, за техники за успешен јавен настап и комуникацијата како клучна алатка на патот кон успешна приказна.
„Премотај и почни одново“ е адаптација на едночинката „Bang Bang You’re Dead“ од Вилијам Мастросимон од 1999 година и е длабоко испитување на културата што може да предизвика насилство во современото општество, и потресна интроспекција на последиците од тоа насилство. Претставата е препорачана за 16+ возраст.
Премиера: Петок, 19.04.2024 во 20:00ч
Место: Младински Центар Охрид Касарна Охрид (Влез 1, кат 1) ул. Кленоец бр.1 6000 Охрид
Влез: Бесплатен и само со резервација претходно на нашите социјални мрежи во порака!
Оваа драма не е само уште едно сценарио што го избравме случајно. Тоа е огледало што ги одразува проблемите што ги мачат нашите училишта и заедници. И затоа избравме да ја оживееме оваа претстава. Не само за забава, туку и за едукација. Ние веруваме дека театарот има моќ да поттикне разговори, да направи промени. Со влегувањето во чевлите на овие ликови, се надеваме дека ќе фрлиме светлина врз темнината што нè опкружува. Сакаме да ја предизвикаме стигмата. Да ги срушиме бариерите кои нè спречуваат да подадеме рака, да бараме помош. Но заедно, преку уметност и емпатија, можеме да направиме разлика.
На ден 05.04.2024, се реализираше локална акција во склоп на проект за Промоција на ProfilPASS и Sport4Employability, со Поддршка на Сојуза младинска работа и Германски Институт за Меѓународна Соработка – ГИЗ.
\Со соработка помеѓу Младински Центар Охрид и Младински Центар Битола, дел од локалните акции беа учесници од Охрид и од Битола.
Истите имаа можност да научат повеќе за кариерен раст и развој, да се стекнат со нови знаења со цел успешна апликација за работа, но и да добијат сознанија за нова германска методологија за кариерен раст и развој, која се имплементира кај нас, како и можност за бесплатна сесија за кариерен раст и развој.
•••ProfilPASS е методологија која се фокусира на силните страни на индивидуата, пронаоѓање на своите компетенции како и понатамошни чекори преку Сертификатот кој се стекнува со завршување на Обуката со Сертифициран Кариерен Советник.•••
Учесниците имаа можност да бидат дел и од Тим Билдинг Активност со посета на Охридски Музеј на Вода – Заливот на Коските.
* Младински Центар Охрид нуди можност за бесплатна обука со ProfilPASS со Сертифициран Кариерен Советник.
Дополнително, на ден 08.04.2024 ученици од ОЕМУЦ,,Св.Наум Охридски” и ученици од СОСУ ,, Св. Кирил и Методиј” беа дел од локални акции во склоп на Проект за Промоција на ProfilPASS и Sport4Employability методологија со поддршка на Сојуз за младинска работа/Union for Youth Work и Германски Институт за Меѓународна Соработка – ГИЗ.
Истите беа дел од посета на Младински Центар Битола, каде имаа можност да се вмрежуваат и да споделат добри практики.
Активностите беа со фокус на методологијата Sport4Employability, со што првично се стави краток осврт на ProfilPASS.
Активностите се реализираа во Градскиот Парк во Битола, каде истите имаа можност да се запознаат, да го истакнат својот натпреварувачки и тимски дух, како и да се поттикнат на размислување во насока на својот кариерен раст и развој како и своите компетенции.
Понатаму учесниците имаа можност преку тим билдинг активност да посетат едно од старите историски места познати во Битола, т.н Хераклеа.
