1ви јули е датумот на кој започнува Креативната Летна Школа.
Првата Работилница ќе биде на тема ,,Рециклирање – преработување на стара облека во креативни торби за пазарење” – со што ќе ги реупотребиме старите парчиња облека и ќе влијаеме врз подигање на свеста од заштита на животната средина и ретките и ограничени ресурси.
7 интересни факти за рециклирањето:
1. Рециклирањето на една конзерва штеди доволно енергија за три часовна работа на еден телевизор или да заштеди два литри бензин.
2. Рециклирањето на еден тон хартија заштедува околу два ипол тони масло, 26 тони вода и околу 3 кубни метри депонија.
3. Енергијата заштедена од рециклирањето на едно стаклено шише може да држи активна една сијалица од 100 вати за околу 4 часа. Исто така предизвикува 20% помало загадување на воздухот и 50% помало загадување на водата, отколку кога се прави нова боца од сирови материјали.
4. За производство на тоалетна хартија дневно се сечат 27 000 стебла.
5. Рециклирањето на едно пластично шише може да сочува доволно енергија да осветли сијалица од 60 вати за 6 часа.
6. На едно стаклено шише му се потребни околу 4000 години за да се распадне, па дури и повеќе доколку се наоѓа на депонија.
7. Дневно умираат илјадници морски животни голтајќи пластични кеси кои им личат на медузи.
Па ајде да бидеме еко – одговорни, бидејки и го должиме тоа на природата!
Со задоволство ја споделуваме со вас студијата за интеркултуралност, резултат на долга посветена соработка, насловена: „Интеркултурно и дигитално искуство: клучни фактори за младинско ангажирање?“ – Изготвена од страна на Коалиција на младински организации СЕГА.
Оваа студија се фокусира на истражување за интеркултуралноста од различни перспективи како доживувања и обликувања од различни актери: без разлика дали се научници, политичари, граѓанско општество или, поконкретно, млади луѓе и младински работници.
Како цел на оваа студија е да го анализираме степенот до кој интеркултуралноста, особено кога е олеснета со дигиталната технологија, може да поттикне подлабок општествен ангажман кај младите. Контекстот на повеќе земји на оваа публикација, исто така, ни овозможи да ги сфатиме поимите за интеркултуралност во различните национални контексти.
Оваа студија е спроведена од Олфа Чедли од Eclosio (Белгија), во соработка со Engagé-e-s & Déterminé-e-s (Франција), Тунискиот форум за зајакнување на младите (Тунис) и Коалиција на младински организации СЕГА (Северна Македонија), како дел од проектот Connextion, финансиран од програмата Еразмус+ на Европската Комисија.
5 Јуни – Светски ден за Заштита на Животната Средина.
Денес, во Младински Центар Охрид, се реализираше Креативна Работилница за рециклирање/преработување на стара облека во торби за пазарење.
Ресурсите на земјата се ретки и ограничени и оттука се тежнее кон одржливост, односно одржлив раст и развој, каде економскиот напредок, социјалната вклученост и заштитата на животната средина се избалансирани за да се обезбеди одржлива иднина.
На работилницата активен придонес дадоја учениците на три основни училишта: ООУ. ,,Кочо Рацин”, ООУ. ,,Григор Прличев” и ОУ. ,,Живко Чинго”.
На креативен начин се изработија торби за пазарење, со што се стави акцент на нужноста од колективна свест во насока на Заштита на Животната Средина.
Здружение за заштита на природното и националното богатство “ЕНХЕЛЕУС-ЛИХНИД” од Охрид е доброволно, непрофитно, невладино, непартиско здружение на граѓани, формирано со слободно здружување на граѓаните заради остварување, заштита и усогласување на своите интереси и уверувања за унапредување на граѓанското општество и локалните заедници, како и заради вршење на дејности и активности за поттикнување на моралните вредности, зајакнување на меѓуетничките односи и економкси развој во на територијата на Македонија и пошироко, а во согласност со Уставот и Законот.Неформално, здружението е основано во 2018 година а официјализирано е во 2021 година.
Наши цели и мисија
Нашата мисија е заштита на природното и националното богатство во Охрид и охридско,организирање на еколошки акции со цел поубав и почист Охрид.Акциите се изведуваат минимум 2 пати во месецот со кои се подигнува свеста кај обичниот граѓанин и мотивира за и тој да се приклучи кон Еко-активностите.Преку хуманитарните акции кои ги организираме, нашата мисија е сплотоување на сите граѓани за унапредување и подобрување на климата за решавање на проблемите во општеството заеднички.Сите акции кои се преземаат од страна на нашето Здружение се со љубов према природата и за зачувување на истата,која во нашиот мил Охрид е во изобилие.
Културолошка Иницијатива 5 до 12 е проект започнат од страна на млади индивидуалци под капата на Здружението на граѓани НАТГ „Аматер“.
Наредната година здружението слави јубилеј од 10 години постоење и за тоа време има остварено:
6 аматерски театарски претстави;
Активно учество на реномираните државни фестивали како „Охридско лето“, „Поетска ноќ во Велестово“ итн.
Повеќе литературни промоции;
Изминатите 4 години успешна реализација на проектот „Културолошка иницијатива 5 до 12“ во Охрид.
3 сезони на охридскиот подкаст „Имам нешто да ти кажам“ЦЕЛИ НА ПРОЕКТОТ:
Подигнување на културната свест во градот Охрид;
Промоција на млади артисти, аматери и создавање платформа преку која ќе се изразуваат;
Охрид да стане европски град на културата, урбаната уметност и спортот;
Збогатување на културната програма која градот ја нуди во летниот период и придонес домашните и странските гости да се запознаат со природното и културно наследство на Охрид;
Мултиетничка интеграција, кохезија и социјализирање преку културните настани кои ќе значат ослободување од стегите и стереотипите на едно заглавено, летаргично и табу општество какво што е нашето;
Здружението за заштита и одржлив развој Регионален зелен центар Охрид е непрофитна, невладина организација со седиште во Охрид. Регионалниот зелен центар (РЗЦ) е регистриран во Март 2019 година, но е и сукцесор на извидничката организација во Охрид со искуство во спроведување на активности за заштита и унапредување на животната средина посебно во сливот на Охридското Езеро и поширокиот Дримски Басен.
Најважните активности, всушност, се поврзани со спроведување и организација на одбележувањето на Денот на Дрим 2019, 2020, 2021 но и учество во мониторинг активности за квалитетот на водите во Езерото и водотеците во сливот на пандемијата.