На 27 март 2025 година (четврток) со почеток во 20:00 часот, на малата сцена при Н.У.Ц.К. „Григор Прличев“ – Охрид, се одржа панел-дискусија на тема „Запознавање со процесот на создавање на една театарска претстава и важноста на театарот во општественото живеење“.
Настанот, организиран од Народен театар Охрид во соработка со Младински Центар Охрид, беше одлична можност за сите вљубеници во театарот, да се запознаат поблиску со процесот на создавање театарска претстава и да ја продлабочат свеста за значењето на театарот во општеството.
Вечерта започна со читање на овогодинешните пораки по повод Светскиот ден на театарот, по што дел од ансамблот на Охридскиот театар споделија свои искуства и размислувања за процесот на создавање претстава.
Поради помалиот број учесници, настанот доби формат на интимен и неформален roundtable разговор, кој овозможи подлабока и поблиска дискусија меѓу присутните. Атмосферата беше топла и инспиративна, а учесниците имаа можност да поставуваат прашања и да разменат мислења со актерите.
Ви благодариме на сите што бевте дел од оваа вечер посветена на магијата на сцената!
Утре, 27. 03. 2025 година, по повод Светскиот ден на театарот со почеток од 20 часот на малата сцена при Н.У.Ц.К. „Григор Прличев“ – Охрид ќе се оддржи панел дискусија на тема „Запознавање со процесот на создавање на една театарска претстава и важноста на театарот во општественото живеење“.
Како вовед во панелот ќе се прочитаат овогодинешните пораки по повод Светскиот ден на театарот, потоа на темата ќе говорат дел од ансамблот на Охридскиот театар, а за крај е предвидена и дискусија со присутните.
Настанот кој што е организиран од Народен театар Охрид во соработка со Младински Центар Охрид првенствено е наменет за младата публика (средношколци и студенти), но добредојдени се и сите оние љубители на театарот кои имаат желба да присуствуваат.
Со огромно задоволство ја споделуваме веста дека Васил Хаџиманов Бенд ќе настапат во легендарниот џез клуб Jazz Inn во Охрид!
Васил Хаџиманов, мајстор на уникатното комбинирање на балканските традиционални ритми со современите џез, фанк, рок и прогресивни стилови, доаѓа со својот квинтет за ексклузивен клубски концерт кој ветува незаборавна вечер.
👉 Состав на бендот: 🎷 Растко Обрадовиќ – саксофон 🎸 Мирослав Товирац – бас 🥁 Виктор Филиповски – тапани 🥁 Ратко Даутовски – перкусии
📅 Датум: 16 март 2025 (недела) ⏰ Време: 21:30 📍 Локација: Jazz Inn, Охрид
🎟 Влезници:
1000 денари (до 9 март)
1200 денари (од 10 март) Бројот на влезници е ограничен.
📌 Резервации и карти: Карти се достапни со претходна резервација на телефон 078 201 491.
Не пропуштајте вечер исполнета со врвна музика и извонредна атмосфера во Jazz Inn! 🙌
„Премотај и почни одново“ е адаптација на едночинката „Bang Bang You’re Dead“ од Вилијам Мастросимон од 1999 година и е длабоко испитување на културата што може да предизвика насилство во современото општество, и потресна интроспекција на последиците од тоа насилство.
Изведба: Сабота, 14.12.2024 во 20:00ч
Место: НУЦК „Григор Прличев“ – Охрид / мала сцена
Влез: 150 МКД
Резервации во порака или на тел бр: 078 413 946
Оваа драма не е само уште едно сценарио што го избравме случајно. Тоа е огледало што ги одразува проблемите што ги мачат нашите училишта и заедници. И затоа избравме да ја оживееме оваа претстава. Не само за забава, туку и за едукација. Ние веруваме дека театарот има моќ да поттикне разговори, да направи промени. Со влегувањето во чевлите на овие ликови, се надеваме дека ќе фрлиме светлина врз темнината што нè опкружува. Сакаме да ја предизвикаме стигмата. Да ги срушиме бариерите кои нè спречуваат да подадеме рака, да бараме помош. Но заедно, преку уметност и емпатија, можеме да направиме разлика.
Тоше Проески, име кое одекнува со безвременска убавина и трајно наследство, прерано го напушти овој свет, но неговото сеќавање продолжува да свети силно на ноќното небо. На овој тажен ден, се сеќаваме на еден човек чиј глас ги надмина границите и чиј дух допре до срцата на милиони луѓе.
Тоше Проески беше повеќе од само пејач, тој беше симбол на благодатта, талентот и пример за човек. Неговиот милозвучен глас имаше моќ да ги пренесе слушателите на далечни места, предизвикувајќи длабоко чувство на емоции што малку уметници можат да го постигнат. Со секоја испеана нота, ткаеше ѕвездено небо од соништа и чувства, плетејќи врска меѓу човекот и божественото.
Неговата уметност немаше граници, преминувајќи ги јазичните бариери и културните поделби. Тој имаше единствена способност да ги обединува луѓето преку универзалниот јазик на музиката, поттикнувајќи љубов, разбирање и чувство на единство во често поделен свет.
Присуството на Тоше беше доказ за убавината на човечкиот дух. Тој не само што нè маѓепса со својата вокална моќ, туку и нè инспирираше со неговата понизност, добрина и посветеност да го направи светот подобро место. Неговите филантропски потфати да им помогне на оние на кои им е потребно, додадоа подлабок слој убавина на неговата веќе извонредна душа.
На овој ден, додека размислуваме за 17-годишнината од неговото трагично заминување, се сеќаваме на Тоше Проески како светилник на светлината во светот често замаглен од темнината. Неговата музика живее, неговиот дух опстојува, а неговото сеќавање останува вечно убаво, како безвременска мелодија која засекогаш ќе ја слушаме во нашите срца. Иако можеби прерано го напушти овој свет, убавината што ја внесе во нашите животи ќе продолжи да одекнува за генерациите што доаѓаат. Неговиот лик и дело никогаш нема да избледи.
По повод Денот на млади – 12 август, а како дел од настанот Недела на млади, во Младински Центар Охрид, вечерта на 12 август, во понеделник, ќе се прикажува документарниот филм „Охрид, Охрид убав мил“ на македонскиот режисер од Охрид, Илија Пиперкоски.
Во документарниот филм се зборува за настанување на песната Охрид, Охрид, убав мил и низ прекрасен наратив гледачите ќе можат хронолошки да се запознаат со тајфите и трубадурите кои негувале чалгиска музика и животот на охриѓани преставен преку испеаните песни.
„Ова е серијал што ги истражува душевните наративи вградени во македонските народни песни, особено фокусирајќи се на чалгиските и староградските мелодии. Оваа серија е визуелно патување во срцето на македонското наследство, додека навлегуваме во универзалниот јазик што ги поврзува генерациите – музиката. Документарниот серијал ‘Раскажи песно’ се обидува да ги разоткрие приказните вткаени во ткивото на чалгиските и староградските песни, претставувајќи го културното богатство на Охрид, град со право наречен музеј и уметничко богатство низ вековите“, има кажано режисерот за својот филм.
Филмот ќе се прикажува во дворот на МЦО, со почеток во 20:40 часот, по самото отварање на настанот Недела на млади.
Подгответе се за недела исполнета со филмски проекции и музички перформанси
под ѕвездите. Охрид по 7ми пат ќе биде домаќин на Фестивалот Beach Film Festival, кој претставува прослава на глобалната кинематографија во неверојатен природен амбиент на плажа.
Овогодинешниот фестивал ветува дека ќе биде енергичен културен настан, прикажувајќи низа жанрови и стилови на раскажување приказни кои ја одразуваат богатата таписерија на меѓународната кинематографија. Присутните можат со нетрпение да ги очекуваат шесте долгометражни европски филмови и тоа: Rodeo, Summer to come, Afire, Milk, Some birds и Pelican. Покрај главната програма, на фестивалот ќе се прикажат и 14 краткометражни филмови.
Филмскиот фестивал на плажа во Охрид постојано расте од своето основање, стекнувајќи репутација по својата еклектична програма и волшебна локација. Без разлика дали сте посветен синефил или едноставно барате незаборавно летно излегување, овогодинешниот фестивал ветува незаборавно искуство покрај езерото.
Утре, на 12.07.2024, петок, во Охрид започнува 64тото издание на најпрестижната музичко-сценска манифестација во земјава – Фестивалот Охридско лето.
Годинешното фестивалско издание предвидува околу 50 настани со 800 уметници од 24 земји ширум светот- ќе настапат звучни имиња од светот на музиката, но и најдобрите театарски продукции со извонредни драмски проекти.
Свеченото отворање годинава ќе го одбележи грандиозен концерт на светскиот виртуоз на виолина од Латвија, Џулијан Рахлин. Славниот виолинист и диригент ќе настапи заедно со оркестарот на Македонската филхармонија.
Фестивалската сцена повторно ќе биде домаќин на најголемите, најславните и најуспешните кои ќе создадат квалитетна, атрактивна и возбудлива програма. Ги охрабруваме сите љубители на класичната музика, џезот, театарот да ги посетат богатите настани од 12 јули до 20 август.
„Охридско лето“, уште од 1961 година со својата врвна програма и светски уметници претставува совршен спој на музиката, театарот и воопшто на уметноста. Денес фестивалот е синоним за достоинство не само на Охрид, туку и на државата. Преку него светот не препознава на најрепрезентативен начин.
Настаните ќе се одржуваат на сцени поставени на различни познати локации низ градот: Долни Сарај, Антички Театар, Црква Света Софија и Предворје на Црква Света Софија и Центарот за култура „Григор Прличев“.
Билетите за настаните организирани од НУ „Охридско лето“ Охрид, можат да бидат набавени во билетарниците на НУ „Охридско лето“: билетарница во дирекцијата, билетарница на Кеј „Македонија“ и билетарница на плоштад „Крушевска Република“ (Чинар) На денот на настанот, билети можат исто така да се купат на продажните пултови пред сцените.
За повеќе информации обратете се на официјалната страна на Охридско лето на следниот линк.
Денес (08.07) и утре (09.07) започнува Летното кино со автомобили Summer Drive-in Cinema во склоп на настаните од шестото фестивалско издание на алтернативното културно-забавно лето „Културолошка Иницијатива 5 до 12“.
И оваа година, дозволете си да отпатувате назад во времето, на нашиот специјален настан – Летно Кино со Автомобили. Придружете ни се на овие две ноќи под отворено небо, да ги проследиме едни од најдобрите македонски филмови во моменти на топла носталгија и уште потопли свежи пуканки!
08.07.2024 | понеделник
ТЕ ДУА, ЖИМИ МЕНЕ – македонски филм од 2023 година во режија на Марјан Гавриловски
Маалски џанак, коцкар и армоникаш трудејќи се да ја вратат назад купената жена од Албанија стануваат дел од мафијашка зделка и мораат да се справат со низа на несекојдневни ликови.
09.07.2024 | вторник
ЕФЕКТОТ НА СРЕЌА — македонски филм од 2019 година во режија на Борјан Зафировски.
Главните улоги ги играат: Јовица Михајловски, Јана Стојановска, Петре Арсовски, Ана Стојановска.
Во филмот се раскажува приказна за потрагата по среќа која им е заедничка на сите луѓе. Леа е млада девојка која го почнува нејзиниот последен предизвик, теза која бара доказ во верувањето дека среќата може да се пренесува, исто како и чувството на тага, осаменост и мизерија.
Влезот ќе биде отворен од 20:00ч, а проекциите започнуваат во 21ч.
По почетокот на проекцијата нема да биде дозволено влегување!
Билетите се по цена од 500 денари по автомобил и можете да ги набавите во Кафе бар Шила или на влез.
Во просториите на Младинскиот Центар Охрид, со почеток од 3ти јули ќе се оддржи филмски курс „Филмски колаж“, кој е дизајниран како алатка за сите средношколци и студенти со интерес кон филмската уметност.
Целта е да им овозможи на младите да се запознаат со различни аспекти на филмската продукција и да ги развијат своите критички и креативни способности.
Преку теоретски и практични предавања од областа на актерската игра, филмската камера, сценографија и костимографија, филмска шминка и маска, видео монтажа, дизајн на звук, филмска музика и режија, учесниците ќе стекнат темелни знаења и практични вештини.
Со овој курс се пружа можност да ја зацврстиме филмска писменост кај младите вљубеници во филмот, да го поттикнеме критичкото размислување и креативност, и да ги запознаеме со реалната професионална пракса пред влезот во филмскиот свет. Овој сеопфатен филмски курс ќе се оддржи во три дела, теоретска настава, теренска настава од 3ти до 7ми јули, во просториите на на Младинскиот Центар Охрид и фаза на постпродукција. Предавањата ќе ги водат стручни лица, а при теренската настава учесниците ќе имаат можност практично да се запознаат со процесот на работа на филмски сет и да работат со филмска техника. „Филмски колаж“ е одлична можност за младите да се впуштат во светот на филмот, да ги развијат своите таленти и да се подготват за идните предизвици во филмската индустрија.
Работилниците опфатени во „Филмски Колаж”, ја организира филмската продукција Шарада во соработка со Beach Film Festival, и е проект поддржан од Министерството за Култура на РСМ. Сите заинтересирани можат да се пријават преку директна порака на профилите на Младинскиот Центар Охрид и Beach Film Festival.
