Ready to level up your English in a fun and creative way?
We’re launching TWO exciting clubs for youth who want to improve their English skills while making new friends:
English Conversation Club
Practice your speaking skills through games, discussions, and interactive activities. Build confidence and fluency in a relaxed, friendly space!
English Creative Writing Club
Unleash your imagination through storytelling, poetry, and creative exercises. Explore your voice in English and bring your ideas to life!
Sign up now and complete the survey by Sunday, September 14th, 2025 to reserve your spot. For youngsters aged at least 12 years old. Spaces are limited, so don’t wait!
🎸 Летна Школа за Гитара во МЦО
📅 11 – 15 август | 11:00ч
📍 Младински Центар Охрид
🎉 Во рамки на Недела на млади 2025
Сонуваш да свириш гитара? Или веќе свириш, ама сакаш да ги надградиш своите вештини? Ова е твојата шанса!
Под менторство на 🎶 Игор Стефановски – дипломиран гитарист и наставник по музичко образование во ООУ „Кочо Рацин“ – те очекува пет дена полни со музика, учење и инспирација.
🎼 Школата е наменета за сите млади – почетници и оние со основно знаење.
👉 Сесиите започнуваат во 11:00ч во просториите на МЦО.
📌 Местата се ограничени!
🗓 Пријави се најдоцна до 08.08.2024 преку формата подолу.
Во рамки на Недела на млади, те покануваме на петдневна ликовна авантура каде ќе имаш можност да научиш, создаваш и истражуваш уметност! Од 11ти до 15ти август секој ден со почеток од 09:30 до 11:00 часот во просториите на Младински Центар Охрид ќе се оддржуваат работилници во склоп на Летна Ликовна Школа, предводена од наставникот по ликовно образование Димитрие Ристески.
Програма:
Ден 1 – Теорија, ликовен јазик и историја на уметност
Ден 2 – Цртање
Ден 3 и 4 – Сликање
Ден 5 – Моделирање
Ќе работиме на создавање сопствено ликовно дело преку цртање, сликање и моделирање, а ќе навлеземе и во светот на уметноста преку историја и ликовна теорија.
Совршена можност за сите што сакаат летото да го поминат креативно, инспирирано и забавно!
Секој ден – нова техника, ново искуство, ново уметничко дело
[vc_row][vc_column][vc_column_text]🌱 Запознај ги организациите што ја движат заедницата!
Оваа сабота, на Саемот за волонтерски можности – Охрид 2025, ќе имаш можност да се сретнеш со волонтерски организации од Охрид и Струга кои стојат зад некои од најзначајните културни, спортски, добротворни и еколошки иницијативи!
📍 Паркот пред НУЦК „Григор Прличев“ – Охрид
📅 17 мај (сабота)
🕛 од 12:00 до 15:00 часот
🎭 Фестивали
🏃 Маратони и спортски настани
🎨 Културни манифестации
💚 Добротворни и еко-иницијативи
🎯 Дознај какви активности развиваат и како можеш да станеш дел од нив како волонтер!
📝 Пријави се директно на лице место, разговарај со организациите и пронајди што најмногу те инспирира.
📢 Биди дел од заедницата што менува![/vc_column_text][us_image_slider ids=”15304,15305,15306,15307,15308,15309,15310,15311,15312,15313,15314,15315,15316″][/vc_column][/vc_row]
Биди дел од работилницата за Europass CV, на 14 мај 2025 (среда), во 18:00 часот, во просториите на Младински Центар Охрид.
Доколку си во потрага по работа, размислуваш за стажирање или сакаш да ја зголемиш својата мобилност во Европа – оваа работилница е за тебе! Заедно со кариерниот советник Марија Коваческа ќе научиш како да го изработиш своето професионално CV користејќи ја платформата Europass, кое ќе биде усогласено со европските стандарди и препознатливо на меѓународниот пазар на труд. На крајот на сесијата, секој учесник ќе има подготвено свое Europass CV – спремно за апликации!
Учесниците треба да носат свој лаптоп или таблет.
Оваа работилница е можност за да научиш како да креираш современо, јасно структурирано CV, на начин кој е стандардизиран и лесно разбирлив од потенцијалните работодавачи, а и ќе биде видливо за различни европски работни пазари.
Нашето ново електронско издание на списанието „Младински Израз“ е конечно тука!
Списанието е гласот на младите – простор каде ги споделуваме најинтересните моменти од активностите, проектите и креативните приказни што заедно ги создадовме во текот на годината.
Што ќе најдеш во „Младински Израз“?
Креативни работилници и уметнички проекти
Меѓународни размени и соработки
Културни настани и претстави
Едукативни програми и инспиративни приказни
Прочитај го сега и инспирирај се! Линкот до списанието.
Благодарност до сите млади, организации и поддржувачи кои беа дел од оваа приказна. Ова списание е посветено на вас!
Во периодот од 19 до 21 декември 2024 година, во Младински Центар Охрид, по повод Денови на младински центри се одржа „Семинар за вмрежување и унапредување на МЛАДИНСКАТА РАБОТА“ на кој учествуваа претставници на младинските центри од: Младински Центар Битола, Младински Центар Кавадарци, Младински Центар Велес, Младински Центар Македонски брод, Youth and Community Center – Гостивар, Кризен центар „Надеж“, како и службениците за млади од Општина Струга и Општина Македонски брод.
Младинските работници од Младинските центри и Службениците за млади имаа можност за дијалог и размена на искуства и добри практики со цел унапредување на младинската работа и подобрување на можностите за младите.
Учесниците имаа можносгт да ја проследат панел дискусијата со Службениците за млади, да ги идентификуваат потребите на младинските центри и да дадат препораки за подобрување на квалитетот на работата на младинските центри.
Голема благодарност до учесниците на семинарот кои што придонесоа со своето искуство, знаење и енергија да имаме продуктивен и ефективен семинар.
Во склоп на националната кампања за унапредување на положбата на Младинските Центри ги истакнуваме предизвиците со кои се соочуваат Младинските Центри истакнати на Семинарот за вмрежување и унапредување на младински работници, кој се одржа во Младински Центар Охрид во декември 2023.
Предизвиците со кои се соочуваат Младинските Центри се пресликуваат од една во друга општина и генерално се исти. Главен проблем е незаинтересираноста за вклучување на младите во програмите на центрите. Младите се неактивни во заедницата и нивниот интерес е насочен кон други приоритети, сметајќи дека постоењето на Младинските Центри не е нужно за нивниот личен раст и развој, со што нивниот младински активизам се става во втор план.
Водејќи се според трендовите се потенцира на важноста од онлајн промоција на Младинските центри и услугите кои ги нудат за млади, како најблизок метод за пристап до младите.
Покрај другото, стана збор и за важноста за соодветен и пристапен простор и локација на Младинските центри, што во ЗМУМП не е прецизирано, што остава простор за манипулативност од страна на самите општини.
Неопходно е конкретизирање на одредбите во законот во смисла на унапредување и конкретизирање на поимот на младински центри во состав на чл.22 од ЗМУМП.
Дополнително, двојното финансирање на младинските центри се смета за нужно. Покрај општините, државата треба да ги поддржи младинските центри, бидејќи истата им наложува со законот ЗМУМП да отворат и финансираат младински центри и понатаму целиот процес го остава на општините.
По повод Денот на млади – 12 август, а како дел од настанот Недела на млади, во Младински Центар Охрид, вечерта на 12 август, во понеделник, ќе се прикажува документарниот филм „Охрид, Охрид убав мил“ на македонскиот режисер од Охрид, Илија Пиперкоски.
Во документарниот филм се зборува за настанување на песната Охрид, Охрид, убав мил и низ прекрасен наратив гледачите ќе можат хронолошки да се запознаат со тајфите и трубадурите кои негувале чалгиска музика и животот на охриѓани преставен преку испеаните песни.
„Ова е серијал што ги истражува душевните наративи вградени во македонските народни песни, особено фокусирајќи се на чалгиските и староградските мелодии. Оваа серија е визуелно патување во срцето на македонското наследство, додека навлегуваме во универзалниот јазик што ги поврзува генерациите – музиката. Документарниот серијал ‘Раскажи песно’ се обидува да ги разоткрие приказните вткаени во ткивото на чалгиските и староградските песни, претставувајќи го културното богатство на Охрид, град со право наречен музеј и уметничко богатство низ вековите“, има кажано режисерот за својот филм.
Филмот ќе се прикажува во дворот на МЦО, со почеток во 20:40 часот, по самото отварање на настанот Недела на млади.
Недела на млади во Младински Центар Охрид, втора година по ред!
Meѓународниот ден на младите (IYD), назначен од Обединети Нации се одржува секоја година на 12ти август како ден за подигање на свеста за одредени културни и правни прашања околу младите.
Темата за Меѓународниот ден на младите 2024 година (12 август) е „Од кликови до напредок: Младински дигитални патишта за одржлив развој“. Оваа тема ја нагласува клучната врска помеѓу дигитализацијата и забрзувањето на напредокот на Целите за одржлив развој (ЦОР), нагласувајќи го клучниот придонес на младите во овој трансформативен процес.
По повод овој значаен ден и оваа година МЦО подготви низа настани на различни локации во Охрид со цел младите да се поврзат, забавуваат, да ја разбудат својата креативност и да научат некоја нова вештина.
Планирани се работилници, забавни игри, проекции, ДЈ сет, музички бенд, изложба, летна школа итн.
Ќе ни биде особена чест доколку ги посетите настаните и присуствувате активно во нив со што ќе дадеме еден посебен акцент на младите во нашиот град.
Погледнете ја целосната програма на нашата фејсбук страна и придружете ни се на возбудливите дневни и вечерни активности од 12ти до 16ти август!
