Наредна средба на Медија Клуб на тема „Основи на новинарство и пишување текстови“. На 10.04.2025 година (четврток), со почеток од 18:45 часот во просториите на Младински Центар Охрид.
Овој пат ќе се задлабочиме во светот на новинарството – ќе учиме како се гради новинарски текст, кои се клучните елементи на една вест, што е веродостојност и како се пишува за да се привлече внимание.
Гостинка на оваа средба е Марија Наумоска, студентка на Катедрата за македонска книжевност и култура при Филолошкиот факултет „Блаже Конески“ во Скопје, и членка на Уредничкиот одбор на студентското списание In medias res.
Подготвени сме за инспиративна и практична сесија што ќе нè доближи до вештините на современото информирање!
[vc_row][vc_column][vc_column_text]На последната средба на Медија Клубот во Младински Центар Охрид имавме можност да се запознаеме со основите на фотографијата, водени од професионалната фотографка Анамарија Момироска, дел од тимот на OhridNews.
Во првиот дел од сесијата, Анамарија нè воведе во важни принципи на фотографирање – како кадрирање, концептот на третини, избор на композиција и фокус, и ни покажа дел од своето фотографско портфолио.
✨ Потоа, членовите на клубот имаа можност самите да фотографираат и да се запознаат одблизу со работата со фотоапарат, експериментирајќи со различни објекти и сцени. Разговаравме и за тоа како светлината, боите и аголот влијаат на емоцијата и пораката на една фотографија.
Остануваме инспирирани и со уште повеќе желба да откриваме нови медиумски вештини![/vc_column_text][us_image_slider ids=”15174,15175,15176,15177,15178,15179,15180,15181,15182,15183,15184″][/vc_column][/vc_row]
Нашето ново електронско издание на списанието „Младински Израз“ е конечно тука!
Списанието е гласот на младите – простор каде ги споделуваме најинтересните моменти од активностите, проектите и креативните приказни што заедно ги создадовме во текот на годината.
Што ќе најдеш во „Младински Израз“?
Креативни работилници и уметнички проекти
Меѓународни размени и соработки
Културни настани и претстави
Едукативни програми и инспиративни приказни
Прочитај го сега и инспирирај се! Линкот до списанието.
Благодарност до сите млади, организации и поддржувачи кои беа дел од оваа приказна. Ова списание е посветено на вас!
Повик за учество во видео за Денот на мајчиниот јазик
Дали твојот мајчин јазик е македонски, албански, турски, ромски, српски, влашки, босански или друг јазик?
По повод 21-ви февруари – Денот на мајчиниот јазик, Младински Центар Охрид поканува млади да учествуваат во кратко видео со кое сакаме да ја потенцираме важноста на јазичната разновидност и почитувањето на сите заедници.
Ние ќе подготвиме инспиративни пораки, а твојата задача е само да ја кажеш на видеото на својот јазик!
Пријавувањето е до 10-ти февруари во порака.
Снимањето ќе се одржи од 11-ти до 13-ти февруари во Младинскиот центар.
Јазикот е повеќе од средство за комуникација – тој е дел од нашиот идентитет, култура и традиција. Кога ги вреднуваме и учиме јазиците на другите, создаваме посилни врски и заедништво во општеството.
Ако сте на возраст од 15 до 29 години и сте подготвени да влијаете позитивно во нашата заедница ве покануваме да се придружите на клубовите на Младински Центар Охрид:
Клуб на волонтери – Донесете позитивни промени во вашата заедница!
„Youth Vibe“ е живописно и возбудливо летно младинско списание кое го обединува креативниот и енергичен дух на младите луѓе за да прикаже широк спектар на забавни, културни, уметнички, и спортски летни активности. Веруваме дека ова списание е совршена платформа за славење на ентузијазмот, талентите и соништата на младите. Нашата мисија е да ги поттикнеме и инспирираме младите поединци да го искористат максимумот од нивните летни паузи, нудејќи им вреден ресурс исполнет со привлечна содржина и можности.
Ова е првото издание на списанието кое во својата содржина е поделено во 3 категории: Култура, Млади и Спорт.
Во ова прво издание на нашето летно списание можете да ги најдете најинтересните летни настани во Охрид и Струга организирани од: Младински Центар Охрид, Охрид Џез Фестивал, ВИС Билјана, Охрид трчаТ, Културолошка Иницијатива 5 до 12, Ohrid Water Festival, Ohrid Ultra Trail, ИТК Македонија, Американско катче Струга, Peshtani Extreme Vertical и сл.
Списанието е изработено од членови на Медија клубот кој функционира во рамки на Младински Центар Охрид.
МАЈ-СЕПТЕМВРИ 2023
ИЗДАВАЧ: Младински Центар Охрид и Коалиција на младински организации СЕГА
АВТОРИ: Матеа Стоев, Наталија Танеска и Јован Цветкоски
Ви посакуваме да уживате во списанието,
Со почит,
Младински Центар Охрид
Во насока на поддршка на кампањата „Ги запознаваме ретките болести“, Младински Центар Охрид со дел од волонтерите го обои Центарот во боите на ретките болести со мотото „Ретко е да си редок“.
Во месецот со најмалку денови во годината ја подигнуваме јавната свест со крената обоена дланка и ги доближуваме потребите и предизвиците со кои се соочуваат лицата со ретки болести и нивните семејствата.
Наредна средба на Медија Клуб на тема „Основи на новинарство и пишување текстови“. На 10.04.2025 година (четврток), со почеток од 18:45 часот во просториите на Младински Центар Охрид.
Гостинка на оваа средба е Марија Наумоска, студентка на Катедрата за македонска книжевност и култура при Филолошкиот факултет „Блаже Конески“ во Скопје, и членка на Уредничкиот одбор на студентското списание In medias res.
