Повод 21ви февруари – Меѓународен ден на мајчиниот јазик, Младински Центар Охрид распиша литературен конкурс на тема „Векувањето на македонскиот јазик“.
Доделени беа сертификати на наградените творби и добитниците ги претставија своите литературни творби пред присутните.
Освоено I место ПРОЗА – Александар Бојчовски
Освоено II место ПРОЗА – Сара Петкоска
Освоено I место ПОЕЗИЈА – Ангела Србиноска
Освоено II место ПОЕЗИЈА – Марија Наумоска
Доделени беа благодарници и на другите учесници на конкурсот. Честитки до наградените и сите учесници како дополнителна мотивација да продолжат уште повеќе да творат во иднина!
Свое обраќање на настанот имаше и претседателот на комисијата, поетот, проф. Славе Ѓорѓо Димоски, кој направи една историска ретроспектива на развојот на македонскиот јазик.
Голема благодарност до ПНВ Публикации и Охриѓани коишто учествуваа во наградниот пакет за добитниците!
На 21.02.2023 (вторник) од 13:00ч во просториите на Младински Центар Охрид (Поранешна Касарна), во склоп на програмата повод 21ви февруари – Меѓународен ден на мајчиниот јазик, младата писателка Матеа Стоев ќе го промовира своето второ литературно дело, збирката раскази „Другаруваме со Лили и Вили“, а од 13:30ч Матеа Стоев ќе одржи креативна работилница со децата од ООУ „Кочо Рацин“.
Утре, вторник, младата писателка од Охрид, Матеа Стоев, ќе одржи промоција на своето второ литературно дело, збирката раскази ,,Другаруваме со Лили и Вили”, книга која преку доживувањата на двата главни лика има за цел да пренесе порака која кај младата читателска публика ќе ги поттикне и развие љубовта, почитта, другарството, емпатијата, здравите навики итн.
Матеа Стоев зад себе го има и делото, збирка песни ,,Мојата шарена стихувалка”, а добитник е и на бројни награди од областа на литературата, музиката и науката.
Книгата ,,Другаруваме со Лили и Вили ” може да се најде во продажба во книжарниците ,,Снежана” во Охрид како и низ книжарниците во државава.
На 9 февруари Младински Центар Охрид потпиша меморандум за соработка со РЦСОО „Ванчо Питошески“– Охрид.
Целта на меморандумот е да овозможи успешно спроведување на активности во интерес на младите, преку взаемна соработка.
МЦО понуди простор за едукација, работа, дружба и креативност, како и тим за поддршка при реализација на конкретни активности, настани и идеи.
Директорот на училиштето Г-дин Марјан Радески се запозна со програмите на Центарот кои се есенцијални за сите млади, и тоа: младинското учество, младинско информирање, неформално образование, култура, вработување и претприемништво, на кои МЦО става акцент.
На средбата се дискутираше и за значењето на угостителството во Охрид, како една од главните стопански гранки. МЦО ќе помогне при подготвување информативен материјал за промоција и поддршка на туристичките вредности, поттикнување на сите туристички здруженија за соработка и промоција на туризмот.
Со овој меморандум само се официјализираше веќе воспоставената успeшна соработка.
На 6 февруари Младински Центар Охрид потпиша меморандум за соработка со ОЕМУЦ ,,Св. Наум Охридски“ – Охрид.
Целта на меморандумот е да овозможи успешно спроведување на активности во интерес на младите, преку взаемна соработка.
МЦО понуди простор за работа, дружба и креирање, како и тим за поддршка при реализација на конкретни активности, настани и идеи.
Директорот на училиштето Г-дин Сашо Недески се запозна со оските на делување кои се есенцијални за зголемување на младинското учество, т.е младинско информирање, неформално образование, култура, безбедност, вработување и претприемништво, за секој млад човек, на кои МЦО става акцент.
Со овој меморандум само се официјализираше веќе воспоставената успeшна соработка.
[vc_row][vc_column][vc_column_text]Младински Центар Охрид распишува литературен конкурс по повод 21ви февруари – Меѓународен ден на мајчиниот јазик, на тема: „Векувањето на македонскиот јазик“!
ИНСТРУКЦИИ:
1. Право на учество на конкурсот имаат сите ученици од средните училишта во Охрид!
2. Доставените литературни творби треба да бидат поезија или проза на зададената тема на овој конкурс.
3. Литературните творби треба да се испратат во електронска форма на email адресата на Младински Центар Охрид [email protected] со назнака Литературен Конкурс.
4. Учесниците на конкурсот се пријавуваат под шифра и возраста на учесникот (примери: поетот08 15 год.; 2911* 17 год.), а право на учество имаат оригинални литературни творби кои претходно не се објавувани.
5. Добитниците со посебен примерок од литературната творба го докажуваат авторството.
6. Изборот на најдобрите литературни творби ќе го изврши стручна тричлена комисија, која ја формира Младински Центар Охрид.
7. Рокот за пријавување на творбите важи од 01.02.2023 до 15.02.2023 год.
8. Ќе се доделат три награди во две групи (проза и поезија) на 21.02.2023та во Младински Центар Охрид.
*За повеќе информации слободно контактирајте нè на нашата email адреса: [email protected]
Ги очекуваме вашите творби!
Младински Центар Охрид[/vc_column_text][us_image_slider ids=”10212″][/vc_column][/vc_row]
Здружение за заштита на природното и националното богатство “ЕНХЕЛЕУС-ЛИХНИД” од Охрид е доброволно, непрофитно, невладино, непартиско здружение на граѓани, формирано со слободно здружување на граѓаните заради остварување, заштита и усогласување на своите интереси и уверувања за унапредување на граѓанското општество и локалните заедници, како и заради вршење на дејности и активности за поттикнување на моралните вредности, зајакнување на меѓуетничките односи и економкси развој во на територијата на Македонија и пошироко, а во согласност со Уставот и Законот.Неформално, здружението е основано во 2018 година а официјализирано е во 2021 година.
Наши цели и мисија
Нашата мисија е заштита на природното и националното богатство во Охрид и охридско,организирање на еколошки акции со цел поубав и почист Охрид.Акциите се изведуваат минимум 2 пати во месецот со кои се подигнува свеста кај обичниот граѓанин и мотивира за и тој да се приклучи кон Еко-активностите.Преку хуманитарните акции кои ги организираме, нашата мисија е сплотоување на сите граѓани за унапредување и подобрување на климата за решавање на проблемите во општеството заеднички.Сите акции кои се преземаат од страна на нашето Здружение се со љубов према природата и за зачувување на истата,која во нашиот мил Охрид е во изобилие.
Културолошка Иницијатива 5 до 12 е проект започнат од страна на млади индивидуалци под капата на Здружението на граѓани НАТГ „Аматер“.
Наредната година здружението слави јубилеј од 10 години постоење и за тоа време има остварено:
6 аматерски театарски претстави;
Активно учество на реномираните државни фестивали како „Охридско лето“, „Поетска ноќ во Велестово“ итн.
Повеќе литературни промоции;
Изминатите 4 години успешна реализација на проектот „Културолошка иницијатива 5 до 12“ во Охрид.
3 сезони на охридскиот подкаст „Имам нешто да ти кажам“ЦЕЛИ НА ПРОЕКТОТ:
Подигнување на културната свест во градот Охрид;
Промоција на млади артисти, аматери и создавање платформа преку која ќе се изразуваат;
Охрид да стане европски град на културата, урбаната уметност и спортот;
Збогатување на културната програма која градот ја нуди во летниот период и придонес домашните и странските гости да се запознаат со природното и културно наследство на Охрид;
Мултиетничка интеграција, кохезија и социјализирање преку културните настани кои ќе значат ослободување од стегите и стереотипите на едно заглавено, летаргично и табу општество какво што е нашето;
Развојниот пат на Општинскиот Електромашински Училиштен Центар „Св. Наум Охридски“ од Охрид започнува во учебната 1966/1967 година како резултат на стопанската ориентација на општина Охрид. Наставата во почетокот се изведувала во 4 паралелки од металска струка со 140 ученици и наставен кадар од 4 професори и 3 хонорарни инжинери.
Центарот беше формиран со цел да подготвува кадри од металската насока за потребите на металската индустрија во градот како што беа фабриката „Братство“, фабриката за автомобилски делови и алати „Херој Тоза Драговиќ“ и фабриката „Езерка“.
Развојот на науката, техниката и технологијата придонесува до брзо развивање на електроиндустријата во општина Охрид, така што во учебната 1973/74 година металскиот училиштен центар беше верифициран и за образование на кадри од електротехничката струка од што произлегува и променат на името на центарот во Електромашински со образовни профили од двете струки од трет и четврти степен. Во периодот од 1985 до 1988 година центарот се проширува и се здобива со нов училиштен простор и нова опрема со што дополнително се подобруваат условите за изведување на воспитно образовната дејност.
21 век е време на брзи и големи промени во секој домен на животот, па така и образованието не е исклучок.
Училиштето е секогаш подготвено за промени.
Понекогаш промените ги доживувавме како закана, иако тие можат да отворат нови можности за нас, а најмногу за нашите ученици.
Покрај економските, политичките и социјалните промени, промени настануваат и во нашиот образовен систем.
Училиштето ги практикува тие промените во следните три главни сегменти:
Промени во наставата и учењето: Ученикот е во центарот на вниманието;
Промени во технологијата: Компјутеризација и примена на ИКТ;
Промени во училницата: Раководење и организација на училницата.
Затоа главна цел и задача е образование на кадри од областа на угостителството и туризмот за потребите на стопанството во потесна и поширока регионална смисла, во согласност со современите текови во образованието и пазарната економија и реформите во средното стручно образование.
КОНТАКТ
Општинско Угостителско Туристичко Училиште – „Ванчо Питошески“
