Од 8ми до 19ти јули, група од 7 млади од Охрид (15–17 години) предводени од младинскиот работник Јован Цветкоски, како претставници на Коалиција СЕГА и Младински Центар Охрид, беа дел од младинска размена во Бивил, Нормандија, Франција, каде што низ креативни работилници, културна размена и уметнички израз го градеа својот глас и тимски дух. Оваа размена беше воспоставена помеѓу 3 држави: Франција, Германија и Македонија.
Програмата започна со запознавање и активности за градење тим, при што младите имаа можност да соработуваат со врсници од други земји и да ги споделат своите приказни, идентитет и вредности.
Под водство на интернационални ментори-артисти, учествуваа во три артистички групи: пеење, современ танц и слем поезија, каде што низ интензивна тридневна подготовка ги развиваа своите уметнички вештини и настапија јавно во градот Шербур, како дел од завршниот мултимедијален перформанс.
Како дел од нивното културно патување, групата го посети и Париз, каде што уживаа во откривање на највпечатливите знаменитости на градот на светлината – од Ајфеловата кула до Лувр итн.
Ова патување беше многу повеќе од размена – беше трансформативно искуство кое ги зајакна нивната самодоверба, креативност и желба за нови хоризонти.
Доколку си млад, љубопитен и подготвен за авантура на езеро – оваа обука е токму за тебе! Придружи ни се на едукативна и забавна обука каде што ќе научиш:
Како безбедно да управуваш со СУП даска и кајак
Основи на безбедност при активности на вода
Како да ја заштитиш животната средина и убавината на Охридското Езеро
Локација: Плажа Канео, Охрид
Датум и време: 26 јуни 2025 (четврток) 10:00 – 12:00 часот
За кого е наменето:
Млади лица од 13 години и нагоре (бројот на учесници е ограничен – пријави се навреме!)
Драги пријатели, со огромна радост ве покануваме повторно да бидете дел од БЛЕНДЕР фестивалот!
Оваа година започнуваме на 27.06.2025 во 11:00 часот, во просториите на Младински Центар Охрид.
За најмладите подготвивме театарска претстава „Љупка и Љубица“ во изведба на Театар за Тебе, по што ќе следи тематска работилница по сценографија инспирирана од претставата.
Време е за креативност, забава и дружење – токму во духот на БЛЕНДЕР!
Пријави се на нашата Креативна Летна Школа за деца од 8 до 14 години!
Дизајнирана за деца на возраст од 8 до 14 години, оваа школа е место каде што малите креативци ги откриваат своите таленти, учат нови техники и ја развиваат својата фантазија преку игра, креација и соработка.
Започнуваме на 25 јуни (среда), со почеток од 11 часот, во просториите на Младински Центар Охрид.
👉 Што ќе научиме?
-Ќе учиме како да комбинираме бои, форми и материјали за да создадеме магични композиции.
– Ќе експериментираме со различни текстури, рециклирани предмети и иновативни техники.
– Ќе работиме во тим, ќе спојуваме идеи и ќе раскажуваме уметнички приказни.
– Ќе креираме разгледници, рамки, мали уметнички инсталации и уникатни дела со личен печат.
– На крај – изложба со сите креативни дела!
Летото е платно, а ние ќе го исполниме со боја, креативност и радост! Дојди, создавај и остави свој уметнички отпечаток!
Пријави се на следниот линк и осигурај место за највеселата и најшарената креативна летна авантура!
📍Младински Центар Охрид
Прва работилница 25 јуни 2025, со почеток од 11 часот.
Вчера, на 9-ти јуни, во дворот на охридската гимназија Св. Климент Охридски, се одржа последното издание на Еко базарот за овој период – настан исполнет со одржливост, младинска енергија и човечност.
Од облека од втора рака и книги, до рачни изработки и уникатни предмети – повторно успеавме да создадеме простор каде што старите нешта добиваат нов живот.
Базарот имаше хуманитарен карактер, а сите собрани средства ќе бидат донирани за настраданите во трагичниот настан во Кочани.
Благодарност до сите изложувачи, ученици, професори, посетители и пријатели што беа дел од овој ден. Заедно градиме посвесна, позелена и посочувствителна заедница.
♻️ Оваа активност е дел од проектот „Граѓанското општество и младите за инклузивен и одржлив развој преку циркуларна економија во Северна Македонија“, финансиран од Европската унија и имплементиран од People in Need (PIN), АРНО, ЛЕАД и Ековита.
[vc_row][vc_column][vc_column_text]Во саботата, 12 организации од Охрид и Струга имаа свој штанд на Саемот за волонтерски можности – Охрид 2025, каде ги претставија своите програми и иницијативи за летен волонтерски ангажман.
🔹 Посетителите имаа можност да се информираат за активностите на организациите и да дознаат како можат да волонтираат ова лето.
🙏 Благодарност до сите учесници и посетители – вашиот интерес и присуство придонесоа кон успешно реализиран настан.[/vc_column_text][us_image_slider ids=”15322,15323,15324,15325,15326,15327,15328,15329,15330,15331,15332,15333″][/vc_column][/vc_row]
[vc_row][vc_column][vc_column_text]🌱 Запознај ги организациите што ја движат заедницата!
Оваа сабота, на Саемот за волонтерски можности – Охрид 2025, ќе имаш можност да се сретнеш со волонтерски организации од Охрид и Струга кои стојат зад некои од најзначајните културни, спортски, добротворни и еколошки иницијативи!
📍 Паркот пред НУЦК „Григор Прличев“ – Охрид
📅 17 мај (сабота)
🕛 од 12:00 до 15:00 часот
🎭 Фестивали
🏃 Маратони и спортски настани
🎨 Културни манифестации
💚 Добротворни и еко-иницијативи
🎯 Дознај какви активности развиваат и како можеш да станеш дел од нив како волонтер!
📝 Пријави се директно на лице место, разговарај со организациите и пронајди што најмногу те инспирира.
📢 Биди дел од заедницата што менува![/vc_column_text][us_image_slider ids=”15304,15305,15306,15307,15308,15309,15310,15311,15312,15313,15314,15315,15316″][/vc_column][/vc_row]
[vc_row][vc_column][vc_column_text]Вчера во Младински Центар Охрид се одржа Форум театар изведен од ученици од ООУ „Григор Прличев“ – Охрид. Низ силни сцени и ангажирани приказни, младите испратија пораки против насилството и ја истакнаа важноста од безбедна и поддржувачка училишна средина. Преку краток филм го отворија и прашањето за прекумерна употреба на телефони и последиците врз социјализацијата во училиштата.
Настанот е дел од проект поддржан од Детската фондација Песталоци, што го спроведува Коалиција СЕГА во партнерство со Младински центар за граѓанско образование, Прва детска амбасада Меѓаши и SmartUp – Social Innovation Lab.[/vc_column_text][us_image_slider ids=”15298,15297,15296,15295″][/vc_column][/vc_row]
Биди дел од работилницата за Europass CV, на 14 мај 2025 (среда), во 18:00 часот, во просториите на Младински Центар Охрид.
Доколку си во потрага по работа, размислуваш за стажирање или сакаш да ја зголемиш својата мобилност во Европа – оваа работилница е за тебе! Заедно со кариерниот советник Марија Коваческа ќе научиш како да го изработиш своето професионално CV користејќи ја платформата Europass, кое ќе биде усогласено со европските стандарди и препознатливо на меѓународниот пазар на труд. На крајот на сесијата, секој учесник ќе има подготвено свое Europass CV – спремно за апликации!
Учесниците треба да носат свој лаптоп или таблет.
Оваа работилница е можност за да научиш како да креираш современо, јасно структурирано CV, на начин кој е стандардизиран и лесно разбирлив од потенцијалните работодавачи, а и ќе биде видливо за различни европски работни пазари.
[vc_row][vc_column][vc_column_text]На 30ти април, во просториите на Младински Центар Охрид, се одржа третото издание на Саемот за образование и кариера каде матурантите и основците од охридските училишта имаа можност да се запознаат со над 13 државни и приватни универзитети од Македонија, активности и програми на средните охридски училишта, програми за студии во САД, како и советувања со кариерни советници! 🎓🌍
🤝 Благодарност до сите факултети, средни училишта, професори, ученици и партнери што беа дел од ова важно случување за иднината на младите![/vc_column_text][us_image_slider ids=”15282,15283,15284,15285″][/vc_column][/vc_row]