По повод Меѓународниот ден на жената на 7 март реализиравме креативната работилница , каде учесниците со многу љубов и труд изработија честитки и рачно направени цвеќиња од разни материјали.
Дел од работилницата се одржа во ОУ „Св. Климент Охридски“, каде учениците со ентузијазам ги подготвуваа своите уникатни подароци, а подоцна, во нашите простории, останатите заинтересирани уживаа во создавањето прекрасни изработки.
Се надеваме дека мајките и најблиските добија подароци полни со љубов!
Ве покануваме да бидете дел од нашиот МЛАДИНСКИ КРУГ: Како да го направиме Охрид подобро место за младите?
Дали сметаш дека во Охрид недостасуваат простори за млади, културни настани или можности за креативно изразување?
Имаш иновативна идеја за да го направиме градот подинамичен и поинтересен за младите?
Кога? 13.03.2025 | 19:00ч
Каде? Младински Центар Охрид
💡 Оваа младинска дискусија е простор каде што ќе:
✅ Идентификуваме клучни младински предизвици во Охрид
✅ Генерираме креативни решенија преку бура на идеи
✅ Гласаме за најдобрите идеи и ќе создадеме акциски план
🔹 За кого? Млади од 15–29 години од Охрид и околината
🔹 Времетраење: 2 часа
🔹 Фасилитатори: Младинските работници од МЦО
🎯 Очекуван резултат: Листа на реални идеи кои можеме заеднички да ги реализираме! 🏆
📢 Твоите идеи можат да го направат Охрид подобро место за младите – приклучи се и сподели ги! 🚀
🔗 Пријави се тука.
📩 За повеќе инфо, пиши ни емаил на [email protected] или на нашите социјални мрежи.
Walk for Rare – На 28.02.2025 пешачевме за оние што се борат секој ден! Со секој чекор шириме свесност за ретките болести и испраќаме порака за поддршка, љубов и солидарност.
Заедно сме посилни, затоа што ретките не треба да бидат невидливи!
Поддршка дадоа учениците од средните училишта, млади од Охрид, но и нашите гости од Кастамону, Турција.
Во периодот од 19 февруари до 2 март 2025, 20 млади од Кастамону, Турција, беа дел од програмата Mobility of Youth Workers: Green Practices Job Shadowing Activity во Охрид.
Низ две недели активности, тие се запознаа со локалните иницијативи за заштита на природата, одржлив туризам и еколошки практики.
Клучни моменти:
Посети на Младинскиот Центар Охрид, Хидробиолошкиот институт, ЈП Комуналец, Планинска спасителна служба, сектор за Животна средина во Општина Охрид, Екоцентар во Белчишта
Работилници и средби со Biodiversity for Everybody, SUP Club Ohrid, Екотуризам Охрид и чистење на бршлен со активисти
Истражување на стариот дел од градот и културното наследство со проф. Климент Наумов
Планинарење и теренски истражувања во Галичица, Велестово и Белчишта.
Презентации на Ohrid Ultra Trail Marathon и Trash Pinger
Walk for Rare – поддршка за лицата со Ретки болести
Оваа размена беше одлична можност за младите да стекнат знаење, да разменат искуства и да создадат нови идеи за одржливи еколошки практики во нивните заедници!
Нашето ново електронско издание на списанието „Младински Израз“ е конечно тука!
Списанието е гласот на младите – простор каде ги споделуваме најинтересните моменти од активностите, проектите и креативните приказни што заедно ги создадовме во текот на годината.
Што ќе најдеш во „Младински Израз“?
Креативни работилници и уметнички проекти
Меѓународни размени и соработки
Културни настани и претстави
Едукативни програми и инспиративни приказни
Прочитај го сега и инспирирај се! Линкот до списанието.
Благодарност до сите млади, организации и поддржувачи кои беа дел од оваа приказна. Ова списание е посветено на вас!
Граѓанскиот ресурсен центар подготвува месечни прегледи на отворени повици и можности за финансирање на граѓанските организации од различни извори. Месечните прегледи ги испраќа до целата маилинг листа на организации. Ова придонесува кон навремено информирање на организациите и зголемување на нивните можности за аплицирање за финансиска поддршка и за нивна одржливост.
На 6-ти март- Денот на книгата, ве покануваме на двочасовно патување низ световите на книжевноста! Ќе имаме ексклузивна Q&A сесија со локалните автори Јордан Коцевски и Евгенија Н. Веровска Трајаноска, интерактивно пишување на кратки приказни, Book Quiz, како и неформално дружење со љубители на литературата.
🎤 Што да очекувате?
📚 Инспиративен разговор со авторите за нивниот креативен процес
✍️ Креирање кратки приказни во тимови
🎭 Забавен Book Quiz со интересни категории и награди
📖 Open Mic – споделете свој текст со публиката!
На 28-ми февруари, дојди со нас на посебна прошетка каде ќе дадеме поддршка на здружението „Ретко е да си редок“ и ќе допринесеме за подигнување на свеста за ретките болести!
⇒ Време: 09:00 часот
⇒ Збирно место: Кај Рисон (бензинска Макпетрол)
⇒ Рута: Мала Богородица – Велестово – Леко Патека и назад (вкупно околу 7 км)
⇒ Водич: Дејан Ангелоски
Ќе носиме обележја од здружението „Ретко е да си редок“, а како симбол на поддршка ќе ги обоиме дланките и ќе направиме заеднички фотографии!
Повикај пријатели, облечи се удобно и приклучи се во оваа хумана иницијатива!
За учество, пријави се во директна порака на инстаграм или фејсбук со име и презиме и телефон!
People in Need (“Луѓе во потреба“ – ПИН) објавува повик за учество во обуки и грантова поддршка за грасрут граѓански организации (ГО) и групи кои работат во областа на циркуларната економија и намалување на отпадот. Повикот е во рамки на проектот „Граѓанското општество и младите за инклузивен и одржлив развој преку циркулчарна економија во Северна Македонија“ финансиран од Европската Унија.
Со овој повик, 12 мали и грасрут организации и групи кои работат во областа на циркуларната економија ќе имаат можност да ги развијат своите капацитети преку прилагодени обуки.
Со обуките ќе бидат опфатени најмалку следните теми:
1. Вовед во циркуларна економија, зелена агенда, рамка на политики;
2. Принципи на кружен дизајн и бизнис модели;
3. Управување со отпад и рециклирање;
4. Застапување и партиципативен дијалог за политики;
5. Организациска визија и стратегија;
6. Прибирање средства (развој на предлог проект, буџетирање, зелено финансирање, претставување на идејата);
7. Видливост на акции финансирани од ЕУ;
8. Управување со проекти, вклучително финансиски и оперативни аспекти.
Обуките ќе бидат спроведени преку онлајн сесии, во период од два (2) месеци, по една обука неделно.
По обуките, 8 од 12 организации ќе имаат можност да добијат грант до 3000 евра за финансиска поддршка на своите локални акции за намалување на отпадот, реупотреба, рециклирање, надградба.
За да се пријавите на овој повик, прочитајте го внимателно целиот опис на повикот за подобноста и начинот на аплицирање, пополнете ја пријавата (прилог 1) и поднесете ја заедно со сите пропратни документи на [email protected]најдоцна до 16 март 2025, 23:59.
Со огромно задоволство ја споделуваме веста дека Васил Хаџиманов Бенд ќе настапат во легендарниот џез клуб Jazz Inn во Охрид!
Васил Хаџиманов, мајстор на уникатното комбинирање на балканските традиционални ритми со современите џез, фанк, рок и прогресивни стилови, доаѓа со својот квинтет за ексклузивен клубски концерт кој ветува незаборавна вечер.
👉 Состав на бендот: 🎷 Растко Обрадовиќ – саксофон 🎸 Мирослав Товирац – бас 🥁 Виктор Филиповски – тапани 🥁 Ратко Даутовски – перкусии
📅 Датум: 16 март 2025 (недела) ⏰ Време: 21:30 📍 Локација: Jazz Inn, Охрид
🎟 Влезници:
1000 денари (до 9 март)
1200 денари (од 10 март) Бројот на влезници е ограничен.
📌 Резервации и карти: Карти се достапни со претходна резервација на телефон 078 201 491.
Не пропуштајте вечер исполнета со врвна музика и извонредна атмосфера во Jazz Inn! 🙌