Патрониот празник на ООУ “Кочо Рацин”- Охрид во МЦО

На 21 декември во Младински Центар Охрид се одржа свечена приредба по повод одбележување на патрониот празник на ООУ “Кочо Рацин”- Охрид.

Музички точки, активности подготвени од учениците, драмска секција, ликовна изложба, продажна акција на новогодишни украси, беа само дел од прекрасниот новогодишен амбиент во МЦО.

Под мотото „Соединувањето е почеток. Одржувањето заедно е напредок. Заедничката работа е успех“, училиштето потпиша и Меморандум за збратимување со ОШ ,, Веселин Маслеша” од општина Вождовац, Белград.

МЦО им го честита патрониот празник во чест на Кочо Рацин и им посакуваме уште многу активности во иднина, со цел подобрување на благосостојбата и унапредување на личниот, социјалниот и професионалниот развој на младите.