Вчера беше свеченото отворање на 6-тото издание на БФФ на кое се проектираше филм кој е од македонска продукција и што е сниман токму во Охрид , “Преекспонирано” – првиот игран филм на режисерката Елеонора Венинова.
Фестивалот е во траење од четири дена каде ќе има изложби на охридски уметници, бендови, но пред се филмови под ведро небо.
Денес, во 11ч, во МЦО, Beach Film Festival, организираше Masterclass со режисерката Елеонора Венинова и продуцентот Гоце Кралевски, каде имавме можност одблиску да се запознаеме со нив и нивната работа и да продискутираме за филмот.
Воедно, стана збор за самиот процес на снимање филм, предизвиците и чекорите.
Beach Film Festival вечерва продолжува во МЦО со бесплатни проекции на краткометражни филмови и Special Selection Program.
Ве очекуваме во дворот на МЦО под ведро небо!
