ИНФОРМИРАЈ СЕКултура
124

„Алхемија на дивината“ – мултимедијален и локациски специфичен перформанс во Вевчани

Време : 

– 1ва изведба (премиера): 26.06.2024 (среда), 19:00  h. 

– 2ра изведба: 27.06.2024 (четврток), 12:00 h.

– 3та изведба: 27.06.2024 (четврток), 19:00 h. 

Бројот на посетители е ограничен. Потврдете го вашето присуство на една од трите изведби со испраќање на меил на следнава адреса: riteincontemporarysociety@gmail.com за да си резервирате места.

Додека го истражувате Вевчани и Вевчанските извори, околу вас ќе се создаваат магични приказни од алтернативни реалности. Нурнете во овие наративи на еден час, за време на настапот во живо, или препуштете се на една подолга авантура која ветува трансформативно патување.

„Алхемија на дивината“ ве предизвикува да размислувате за природата на времето, конечноста и постоењето, поттикнувајќи интроспекција за тоа како сме живееле и како живееме, како се менуваме и како комуницираме. Ова искуство ќе ве поведе на лично патување за откривање на она што е навистина важно во вашиот живот. Кои акции е потребно да ги откриеме, или реоткриеме,притоа избирајќи ги според приориетот на важноста.

Изведбата ја доловува суштината на животните трансформации, набљудувајќи го ритуалот на промена од најмалата клетка до најдалечните ѕвезди. Преку волшебните приказни, хипнотизирачкиот танц, евокативната музика и шепотењата на распеаните дрвја, ќе бидете обвиени во сетилно искуство како никогаш досега.

Посетете го Вевчани, место каде што природата и перформансот се спојуваат за да создадат магично, незаборавно искуство и дозволете „Алхемија на дивината“ да ве води на патување на себеоткривање и трансформација. Придружете ни се во славењето на магијата на Вевчанската природа и културно наследствона и убавината на уметничката соработка.

Користејќи ги уметноста на звукот и изведбата, перформансот создава ритуален простор кој ги предизвикува моменталните емоции и општеството додека ја истражува медитативната интроспекција. Исто така, се осврнува на конфликтот помеѓу ритуалот и капиталистичката потрошувачка логика поврзувајќи ги архетипските и вредностите на предците со современиот контекст. Ова уникатно искуство поттикнува критичко размислување, само-рефлексија и развивање, обезбедувајќи простор за трансформација. Преку звук, гест и моќни изведби, уметниците имаат за цел да ја пренесат публиката во еден поинаков свет, кој истовремено е древен и модерен, возвишен и трансформативен.

Уметници – ментори: Јелена Вуксанович, Алесандро Ола, Атила Антал, Вишња Жугич и Јасмина Билаловиќ

Изведувачки уметници: Надја Лукановска, Симона Димковска, Ива Дамјановски, Тереза Лазарев, Јасмина Василева, Теодора Ежовска, Риџет Ферати, Виктор Танасковски, Кристијан Караџовски и Маја Стајнберг.

Проектот „СИОТ СВЕТ Е СЦЕНА-имерзивен и партиципативен театар како алатка за адресирање на општествени прашања и предизвици” на Здружението на уметници Културен центар Медиа Артес, се реализира со финансиска поддршка на Швајцарска Амбасада и Министерството за култура на Република Северна Македонија.

Повеќе слични објави

Најпосетувани објави